Jêh lôch nau hăn kan tâm rnôk hăn khâl gưl Ngih dak tât Mông Cổ, lơ 1/10, Tổng Bí thư, Kruanh dak Tô Lâm hăn khâl gưl Ngih dak tât Ireland tĭng nau jă bah Tổng thống Ireland. Aơ lah rơh khâl gưl Ngih dak bôk năp tât Irelan bah Kruanh dak kơp ntơm rnôk bar dak ndâk tâm boh nchră nau, bah nê rgop nau n’hao nau tâm rnơm chính trị ndrel ƀư nâp tâm boh kan nsum Việt Nam-Ireland.

Rơh khâl bah Tổng Bí thư, Kruanh dak Tô Lâm tât Ireland lah rjăp Việt Nam mro uănh khlay nau tâm boh đah Ireland, rgop nau n’hao tâm rnơm chính trị, ƀư jru rjăp lơn tay nau tâm boh âk ding đah 2 dak tâm rơh tât, ngăn lah tâm nau kan văng sa, tăch rgâl, ntuh kơl, khoa học công nghệ, rgâl mhe, ntĭm nti nau kan, tuch tăm; yor nau hun hao nâp nâl, đăp mpăn, tâm boh ndrel hun hao tâm nkuăl ndrel lam ntur neh./.