Ôi 1/10, Tổng Bí thư, Kruanh dak Tô Lâm ndrel mpôl ntơh măt gưl têh Việt Nam hŏ tât khâl Đại sứ quán Việt Nam, mâp, nkoch bri dêh bên đah cán bộ, nuĭh kan Đại sứ quán n’hanh ntơh măt nuĭh Việt ta Mông Cổ. Tổng Bí thư, Kruanh dak Tô Lâm njuăl tât ăp cán bộ, nuĭh kan Đại sứ quán ndrel lĕ rngôch nuĭh Việt Nam ta Mông Cổ nău ôp khâl ăp dăp, dăn n’hâm suan ngăch dăng, rhơn nđơr ndrel ăp nău rŏng răm mƀak bah ƀon tơm Việt Nam.

Tổng Bí thư, Kruanh dak Tô Lâm an gĭt, hăn khâl tât Mông Cổ rơh dja geh nkô̆ hôr khlay, ƀư tâm rnôk tâm boh bar dak dôl ta rơh hun hao dŭt uĕh lăng. Tổng Bí thư, Kruanh dak Tô Lâm đă Đại sứ quán Việt Nam ta Mông Cổ ntik n’hao nău khlay kan ƀư ntung njŏ đah bar dak n’hanh đah ăp n’gâng kan geh tât, kan nsum an ƀư geh nău tam  ăp nău tâm ton bah kruanh rđău kan gưl têh bar dak tâm nê geh  nău mbơh nsum mpeh njêng tâm boh lam lĕ rngôch Việt Nam - Mông Cổ; kan nsum ntrŭt ntrôl geh nău tam tâm boh đah bar dak ta lĕ rngôch ăp trong kan.