Ta Tâm nchră, ăp nuĭh ntơh măt djăt Siƀŭt mbơh rtŭt glêh lôch pah kan 9 khay aơ; trong rƀŏng, nău kan rgum tơm 3 khay kêng dŭt năm 2026 bah Đảng bộ Công an Trung ương n’hanh ăp siƀŭt mbơh way nkô̆…

Lah rđău đă ta rnôk Tâm nchră, Tổng Bí thư, Kruanh dak Tô Lâm lah rjăp, ntơm bah bôk năm tât aƀaơ, lơn lah tâm Quý 3, mpôl Công an ƀon lan mpơl saơ tay nău khlay kan ntĭt leo lor tĭng ƀư trong nchrăp, nghị quyết bah Đảng. Tâm nê hŏ nsŏng kơl n’gluh an dŏng 02 Nghị quyết bah Ban Chấp hành Trung ương mpeh Rnă njrăng neh dak n’hanh rdâk njêng lam rêh jêng tĭng jăp nău way, đăp mpăn, rsang rnglay, tâm lăp tâm ban, hun hao. Mpeh pah kan rgum tơm ntơm bah aơ tât kêng dŭt năm, Tổng Bí thư, Kruanh dak Tô Lâm đă mpôl Công an ƀon lan rgum jêng ngăn ngăn, tĭng ƀư an dơi nău mĭn “rnă njrăng nchrăp lor” rloh rlău ta ăp ntil pah kan Công an.