Tâm trôm rơh khâl gưl ngih dak tât Mông Cổ, kêng măng nđaơ (1/10), ta thủ đô Ulan Bator, Tổng Bí thư, Kruanh dak Tô Lâm wơt ăp rmôt kan wăng sa ntoh lư bah Mông Cổ. Ta nar wơt, Tổng Bí thư, Kruanh dak Tô Lâm lah rjăp, aƀaơ, Việt Nam lĕ jêng ngoăy tâm 40 jâng wăng sa têh ngăn lam ntŭr neh, geh tâm rmôt 20 jâng wăng sa têh tăch rgâl bôk năp lam ntŭr neh, dăp tal 32 tâm top 100 rnoh khlay ndơ lam dak ta lam ntŭr neh.

Tổng Bí thư, Kruanh dak Tô Lâm nkoch kloh, tâm năm tât, Việt Nam rgum mât uĕh n’hâm soan, nchrăp rgum lăp lam ntŭr neh rƀŏng an rgâl wăng sa mrô, hao jêng uĕh nđĭr, hun hao khoa học công nghệ, rgâl mhe gay rgum lăp jru hvi, râng săk rnglăy lơn tâm trong pă an lam ntŭr neh. Nkre, ntrôl dăng ntuh kơl hun hao ntung trong, ăp nău nchrăp ƀư khlay, ntrôl ngăch ƀư dăp rgum tay, n’hao n’hâm soan aƀaơ, geh trong nchrăp êng jâng wăng sa, rgâl tay, nta an ntŭk ntô ntuh kơl tăch rgâl dơh ngăn ăp doanh nghiệp.