Ôi ntri (13/3) ta nhih pah kan Trung ương Đảng, Tổng Bí thư Nguyễn Phú Trọng, Kruanh Tiểu ban nchrăp nuĭh kan Đại hội 14 bah Đảng ƀư tơm rơh hop bôk năp bah Tiểu ban an nău rgop mpeh du đêt nkô̆ nău êng uănh khlay tâm pah kan nchrăp nuĭh kan bah Đảng.

Đại hội 14 lah du jâng ntơm dŭt khlay, geh trong rƀŏng nău kan let năp tay, ntroh n’gôr lam Đảng, lam ƀon lan, lam tahen ntrôl dăng tay lam lĕ rngôch, ăp kôp rơh rgâl mhe, n’hao neh dak hun hao ngăch n’hanh  nâp dăng yor nău ŭch ƀon lan geh ndrŏng, neh dak têh dăng, geh nău tâm ban, rsang rnglăy, nâp jâng chuat hao  tât chủ nghĩa xã hội. Yor kơt nê̆ gay nchrăp nuĭh kan Đại hội 14 bah Đảng, nkô̆ nău khlay dâk bôk năp lah ân ntrŏng di nău ŭch geh rdâk njêng Ban Chấp hành Trung ương ma găr ntil lah Bộ Chính trị, Ban Bí thư, kruanh n’gâng tơm bah Đảng, ăp đại biểu lah rjăp, pah kan nchrăp nuĭh kan Đại hội 14 bah Đảng mô  dơn lah nău kan bah Tiểu ban nchrăp nuĭh kan, bah Bộ Chính trị, Ban Bí thư, bah Ban Chấp hành Trung ương ma lah nău dơn kan khlay bah lam trong kan chính trị, bah ăp gưl uỷ, mpôl  kan đảng, ăp nhih pah kan, đơn vị n’hanh ăp n’gor. Nuih n’hâm  lah ân tĭng ƀư jăp pah kan nchrăp nuĭh kan  bah đại hội đảng bộ ăp gưl gay rgop nchrăp uĕh nuĭh kan an Đại hội 14 bah Đảng, rgop tâm nău dơi nsum bah Đại hội Đảng lam dak  tâl  14, nchrăp ƀư tâm quý I/2026.