VOV4.M'nông: Nkah ndray 77 năm Nar Nam Bộ dâk lơh (23/9/1945 - 23/9/2022) - du n'gâng tơm chrat ang tâm nău dăng janh kăl e bah rnoi nuĭh he, ôi 23/9, ta nkual ƀon têh Hồ Chí Minh, Tổng Bí thư Nguyễn Phú Trọng ƀư tơm rơh pah kan đah Ban chấp hành Đảng bộ n'hanh cán bộ n'gâng tơm bah nkual ƀon têh mpeh nô nău tĭng ƀư Nghị quyết Đại hội 13 bah Đảng n'hanh Nghị quyết Đại hội 11 Đảng bộ Nkual ƀon têh ntơm bah bôk năm kan tât aƀaơ.

Tổng Bí thư Nguyễn Phú Trọng rnê âk ăp nău nsrôih n'hanh nău dơi geh ma Đảng bộ, n'gâng kan n'hanh ƀon lan nkual ƀon têh Hồ Chí Minh hŏ dơi geh tâm bah ri aơ, bol ma kơt nê̆ Tổng Bí thư hŏ nchŏng kloh ăp ntil hôm nchiăng khan, mpăng đêt bah nkual ƀon têh. Tổng Bí thư Nguyễn Phú Trọng mĭn lah: Tâm let năp tay, Nkual ƀon têh ân ntrôl dăng lơn nău dăp rgum tay jâng wăng sa bah nkual ƀon têh nkre đah hun hao, rgum âk tơm ndơ gay tĭng ƀư geh nău dơi ăp nău kan đăt ndal, droh rklaih ăp kol khan, kô̆ yơn mpeh nău way trong kan, buăt nthoi ntŭk ntô ndơ dŏng n'hanh tơm nuĭh kan aƀaơ, mât ŭeh lơn đŏng nău khlay kan dâk bôk năp, suan ntrôl hun hao dŭt dăng bah he đah nkual Đông Nam Bộ, di đah săk ntơ "Neh loih, jêng kông", lah "Găr mblar bah Viễn Đông", "Âk nău nsing nơm n'hanh n'hao êng  săk bah lam dak"./.

Nuĭh rblang: Điểu Thân