VOV4.M'nông: Nar ntri (30/9), ta Nhih pah kan Trung ương Đảng, Tổng Bí thư Nguyễn Phú Trọng ƀư tơm rơh hop Bộ Chính trị gay mĭn ŭanh, n'gluh rmal wa Bùi Nhật Quang, Uỷ viên Trung ương Đảng, Uỷ viên Ban Chấp hành Đảng bộ Khối ăp nhih pah kan Trung ương, Bí thư Đảng uỷ, Kruanh Viện Hàn lâm Khoa học xã hội Việt Nam.

Lôch mĭn uănh nău dăn đă rmal bah Uỷ ban Kiểm tra Trung ương, Bộ Chính trị năl saơ: Nău tih bah wa Bùi Nhật Quang lơh jêng khuch khat an tay bah kơi jru hô, roh nău tâm rnglăp ndrăng nơm, ƀư nuih ăl tâm cán bộ, đảng viên, khuch tât nău nsing nơm bah mpôl kan đảng, Viện Hàn lâm Khoa học xã hội Việt Nam n'hanh săk nơm. Nsing tâm nkô̆, rnoh jru tih, rnoh âk roh huach nău tih; tĭng quy định bah Đảng mpeh kỷ luật đảng viên tih, Bộ Chính trị n'glêh an rmal nkah lor đah wa Bùi Nhật Quang. Đă ăp nhih pah kan dơi kan rmal prăk đah wa Bùi Nhật Quang ăp kôp, năn ngăch đah rmal đảng.

VOV.VN

Nuĭh rblang: Điểu Thân