Rơh rƀŭn nchră uănh năl, 2 khay ba năp, lĕ Đảng, lĕ ƀon lan, lĕ tahen lĕ nsrôih an dơi geh âk nău geh khlăy ta ăp trong kan: hun hao wăng sa- rêh jêng, mât rnă njrăng ngih dak, rnă njrăng đăp mpăn, nchră nău đah dak bah dih, rdâk njêng Đảng n’hanh lĕ trong kan chính trị, nău kan cán bộ n’hanh nău kan njrăng, rdâng sa nkhiăn, sa ƀer nău kan mô ueh.

Mpeh du đê̆ nău kan tơm khlăy tâm let năp tay, Tổng Bí thư lah na nê̆, ta meng ăp rơh nkhêp n’hanh dơh nơih, nău tâm rkeh hao ngăch, rgâl trôk nar mih sial, nuh srê geh nău tât âk hô ngăn, yor nĕ ăp gâl kan, ăp n’gâng kan an geh n’hao tay lơn nău tâm rnglăp, dơn ngoăy, tâm rgop ueh, ntĭm leo ƀư tĭng ăp trong kan, nău kan geh săk rnglăy. Rgum ƀư ueh jăp ăp nău kan gay ma nchrăp ntĭm đă đại hội đảng ăp gâl mpŏng tât Đại hội 14 bâh Đảng, rgum ƀư lôch nău nchrăp ăp văn kiện Đại hội 14 bâh Đảng gay ma ndơ̆ an rơh rƀŭn nchră Trung ương 10 tĭng nău nchrăp uănh nđôi, ntop tay nău nchrăp kan ăp gâl gay ma nchrăp an săch nuĭh kan ta đại hội đảng ăp gâl.