Ôi ntri (17/12) ta Nhih pah kan Trung ương Đảng, Tổng Bí thư Tô Lâm, Kruanh Ban rđău đă Trung ương mpeh ƀư wat jêh trong tĭng n’hanh pháp luật ƀư tơm rơh hop tâl 2 Ban Rđău đă. Lah n’glôch jêh rơh hop, Tổng Bí thư Tô Lâm lah rjăp lôch jêh tĭng ƀư Nghị quyết 66 tâm bah ri aơ nơh hŏ njêng geh nău rgâl kloh đah âk nkô̆ đăt ndal tâm pah kan rdâk njêng, wat jêh trong tĭng, pháp luật, tŏng đah nău ŭch geh hun hao neh dak. Tổng Bí thư dăn đă, Đảng ủy Quốc hội, Đảng ủy Chính phủ, ăp n’gâng kan ta Trung ương n’hanh n’gor đăm gĭt jru tay, tĭng ƀư ăp tŏng rnoh tât kan, nău ŭch geh, nău dơn kan hŏ n’gluh tâm nghị quyết.

Lah kloh, năm 2026 lah năm dŭt khlay- năm lor bôk năp an ƀư Nghị quyết Đại hội Đảng tâl XIV đah nuih n’hâm ndơ̆ nghị quyết lăp tâm nău rêh, mô dơi mbrơi nkai, Tổng Bí thư đă, rgum 3 nău kan, nê lah ra uănh tay mpeh trong tĭng tâm ăp nău mĭn, trong nchrăp têh tâm siƀŭt nchrăp lor dăn đă Đại hội XIV; ndăn ƀư wat jêh ăp siƀŭt gay an ƀư 51 luật n’hanh 8 nghị quyết quy phạm mhe dơi Rơh hop tâl 10, Quốc hội khóa XV n’gluh an dŏng, mô an mbrơi ăp siƀŭt ntĭm nti n’hanh ăp siƀŭt nchrăp lor gay an dŏng n’hanh rgum droh rklaih dŭt ngăch ăp jêr jŏt, kŏ kol mpeh pháp luật, mô an nking kol nău hun hao;  nkra 317 nău lah, nău đăn geh jêr jŏt, kŏ kol tâm năm 2026 tĭng trong nchrăp, trong rƀŏng hŏ dơi năl lor; nchrăp nkra ăp nău dăn đă, nău nkoch lah mhe ntoh bah ngăn ngăn.