Ntoh ngơi nglôch lôch rơh pah kan, Tổng Bí thư 1 tơ̆ tay lah na nê̆, nău kơl đah nuĭh geh kan đah cách mạng, nău kan joi, rgum n’hanh uănh năl nău ntơ săk nting tahen khĭt tâm lơh kăl e lah nău kan chính trị khlăy ngăn, geh nău khlăy mpeh nău mĭn kan, nău kan bâh ntơm n’hanh tâm rŏng, lah nău kan tơm dơhn kan bâh Đảng, Ngih dak đah ăp nuĭh lĕ khĭt yor nău đăp mpăn, hơm răm ueh lăng bâh neh dak. Tổng Bí thư đă Đảng uỷ Chính phủ ntĭm đă ngăch ndăn uănh nđôi, rgâl mhe, ntop nău kơl kan, pháp luật mpeh nuĭh geh kan, ngăn lah ăp nău ntrŭnh hôm nha geh kŏ văk tâm nău kơp dơn tahen khĭt tâm lơh đah tahen sôt rmanh  khĭt yor nău ji lâp tay, kơp dơn nuĭh khĭt rnôk dôl pah kan mpôn. ăp nău way kan hành chính mô hôm tâm di đah nău ngăn, ntoch jong  mông nar, ƀư lôch ăp nău kan tơm khlăy hôm rmeh mpeh nău kơl kan an nuĭh geh kan kăl e tâm năm 2026.