Tĭng ƀư bôk nău kan mâp cử tri lôch Rơh hop tâl 10, ôi 15/12, Tổng Bí thư Tô Lâm ndrel ăp Đại biểu nkual ƀon têh Hà Nội, đơn vị bầu cử mbrô 1, geh rơh mâp cử tri 11 phường ta nkual ƀon têh gay mbơh lôch jêh rơh hop n’hanh ơh ăp nău ôp, nău dăn đă bah cử tri njuăl tât Quốc hội. Lah ta rơh mâp cử tri, Tổng Bí thư Tô Lâm an gĭt ăp nău ŭch geh nău kan let năp tay lah: mât đăp mpăn chính trị, hun hao ngăch, nâp dăng neh dak, n’hao geh tay nău rêh bah nuĭh ƀon lan; ân rgum suan dăng bah lam trong kan chính trị n’hanh lam ƀon lan gay tĭng ƀư ăp nău kan dja.

Mpeh du đêt trong rƀŏng têh bah nkual ƀon têh Hà Nội, Tổng Bí thư Tô Lâm đă rgâl mhe nău mĭn hun hao, nănh mĭn-nănh ƀư- nănh dơn nău kan yor nău geh nsum. N’gâng kan 2 gưl ân ngăch ngăr, nsĭt geh nău dơi tam, dăch ƀon lan- grêt dêh ƀon lan- yor an ƀon lan, đah nău ton rnoh ngăch na nê̆ an tĭng nău dơn kan ma cử tri nkoch. Tổng Bí thư nsing nơm Đảng bộ, n’gâng kan n’hanh ƀon lan Thủ đô mbra ntik n’hao tay nău way ơm rbăn năm văn hiến, nuih n’hâm tâm rnglăp, nău gĭt blău bôk rngok, han săk, ndơ̆ Hà Nội hun hao dăng, di lah ntŭk rgum têh mpeh chính trị, wăng sa, văn hóa, khoa học, ntĭm nti bah lam dak.