Kêng măng 15/12, ta Hưng Yên, Tổng Bí thư Tô Lâm ndrel ăp đại biểu Quốc hội n’gor hŏ mâp cử tri ăp xã Kiến Xương, Lê Lợi n’hanh Quang Lịch, mbơh lôch jêh bah Rơh hop tâl 10, Quốc hội khóa XV n’hanh djăt, ơh ăp nău dăn đă bah cử tri. Tổng Bí thư an gĭt nô nău wăng sa- rêh jêng kon nuĭh tâm dak đăp mpăn tay, dâk hao tay uĕh tâm rnôk lam ntŭr neh hôm âk rgoh n’gơ; pah kan nchrăp Đại hội đại biểu lam dak tâl XIV bah Đảng dôl an ƀư jăp, ăp tŏng rêng, nchrăp ƀư tâm khay 1 tât.

Mpeh leo ƀư n’gâng kan bar gưl, Tổng Bí thư đă ntrôl ngăch dăp rgum nhih pah kan, drăp ndơ, n’hao săk blău rmôt cán bộ tâm dâng, n’hao dăng tâm pă gưl, tâm pă nău dơi kan. Nkhêp geh rnôk dja, Tổng Bí thư kơl an 30 bôk máy tính an pe xã ta Hưng Yên; khâl, pă nklâm ndơ rnăk wâl tahen ơm rmanh Nguyễn Trọng Hiếu, nuĭh geh n’hâm suan ntoh lư ta n’gor.