Ôi 30/12, Tổng Bí thư Tô Lâm tât râng n’hanh ƀư tơm rơh mâp măt ntơh măt nuĭh nti têh blău, nuĭh khoa học lam dak. Ăp nuĭh ntơh măt mbơh ăp nău dơi hŏ geh tâm gŭ mĭn, kơt dŏng, ntĭm nti bah du đêt trong kan khlay kơt dak si, tuch tăm, công nghệ mhe…; pah kan wăch rgum n’hanh ntik  n’hao nău khlay kan bah nuĭh nti têh blău, nuĭh khoa học n’hanh dăn đă đah Đảng n’hanh Ngih dak.

Lah ta rơh mâp măt, Tổng Bí thư lah rjăp nuĭh gĭt blău nti âk lah mpôl kan ntơh măt an bôk rngok, nău hăr blău bah ƀon lan n’hanh rnoi nuĭh, lah ngoăy tâm ăp tơm ndơ n’hanh suan ntrôl dŭt khlay nsĭt tay đăt ndal n’hanh rhơn răm an neh dak. Dăn đă, gưl uỷ, n’gâng kan ăp gưl, ân rgâl mhe dăng nău ntĭm nti, sơch lăp, dŏng nuĭh gĭt blău nti têh, nuĭh khoa học gay rdâk njêng n’hanh hun hao bah rmôt gĭt blău tŏng đah nău ŭch geh hun hao neh dak ngăch n’hanh nâp dăng. Tổng Bí thư đă, rmôt nti têh blău, nuĭh khoa học tâm lam dak ân ơm nsrôih tât năm 2030 ân geh 100 blău njêng mhe, ndơ ƀư khoa học tâm bảng dăp rgum bah khoa học lam  ntŭr neh; ndơ geh ƀư khoa học, công nghệ, nău nchih rklă văn học, nghệ thuật âk chông yôch. Tât năm 2045, rmôt gĭt blău Việt Nam dâk bôk năp tâm nkual, mpeh rmôt dâk bôk năp lam ntŭr neh.