Ta nkual môch đồng chí Trần Phú, Tổng Bí thư bôk năp bâh Đảng Cộng sản Việt Nam, Tổng Bí thư Tô Lâm ndrel đah mpôl kan Trung ương tât an kao si, mpoh su nhang kahgĭt, mpơl nău ryơk, nău lah ueh n’hanh nău kahgĭt têh đah ăp nău ntop kan, nău pah kan têh khlăy bâh đồng chí tâm nău kan cách mạng têh khlăy bâh Đảng n’hanh bâh mpôl rnoi Việt Nam. Nău ueh ang pah kan cách mạng, nău mĭn kan têh khlăy ueh ang bâh tahen cộng sản geh nău ueh dăng bâh Đồng chí Trần Phú mbro mbrăng ntoh ang, gay ma ăp rơh ba kơi bâh cán bộ, đảng viên n’hanh ăp ƀon lan he kơt nti, ƀư tĭng. Lôch nĕ, ta nkual Di tích lịch sử gưl ngih dak khlăy ngăn ta nglah pe Đồng Lộc, Tổng Bí thư Tô Lâm n’hanh mpôl pah kan Trung ương lĕ an kao si ta ntŭk ngih ndah rup kahgĭt tahen khit tâm lơh kăl e ta Nglah pe Đồng Lộc. Nău khĭt roh bâh ăp bu druh tâm lơh lĕ jêng nău ntĭt an nău ntop kan têh khlăy bâh rkeh mom ndăm yor neh dak chuêl săk nơm, mô nsoach săk druh an nău kan rklaih đăp mpăn mpôl rnoi, dơn ngoăy neh dak.