Nar 14/1, ta Hà Nội, Tổng Bí thư Tô Lâm, Bí thư Quân ủy Trung ương râng Lễ ntăm an săk ntơ Anh hùng LLVT nhân dân an Tổng cục Hậu cần - Kỹ thuật (Bộ Quốc phòng). Tĭng Tổng Bí thư, lăp tâm rơh rgâl mhe, lơn lah ăp năm mhe aơ, Tổng cục Hậu cần - Kỹ thuật hŏ wat jêh uĕh nău nsŏng kơl đah Quân ủy Trung ương, Bộ Quốc phòng ăp trong rđău đă, dăp rgum ăp tŏng, n’glăp nsum nhih pah kan, đơn vị hậu cần - kỹ thuật glêh tam, ăp kôp, tâm ban ŭch dơn ngoăy bah tâm dâng tât gưl lam mpôl tahen rdâk njêng n’hanh an ƀư geh nău tam ăp đề án, trong nchrăp, bôk nău kan, geh nkô̆ hôr têh jong rdâk nâp tay, n’hao suan dăng, ntŭk nsing ndăl, ndrăp ndơ - kỹ thuật tahen, n’hao suan dăng hăn lơh, rgop rdâk njêng mpôl tahen glêh tam dăng, têh uĕh mhe.

Tâm let năp tay, nkoch kloh nău ŭch geh, rdâk njêng tay mpôl tahen n’hanh n’gâng kan hậu cần - kỹ thuật n’gâng tơm, đăng hăr, têh dăng mhe, tŏng đah nău ŭch geh rdâk njêng n’hanh mât njrăng nâp neh dak tâm nô nău mhe, Tổng Bí thư đă Tổng cục Hậu cần - Kỹ thuật rgum tĭng ƀư 5 nău dơn kan tơm nê lah rgum đăm jru, kơt nti, an tĭng ƀư ăp Nghị quyết, ntrŭnh đă, n’glôch jêh, quy định bah Trung ương, Quân ủy Trung ương, Bộ Quốc phòng, rgum tơm lah Nghị quyết Đại hội XIV bah Đảng, Nghị quyết Đại hội Đảng bộ Quân đội tâl XII, ăp Nghị quyết têh khlay bah Bộ Chính trị mhe n’gluh an dŏng.