Mbah rhơn Đại hội đại biểu lam dak rơh tal 14 bah Đảng, ta Hà Nội, Tổng Bí thư Tô Lâm lĕ râng ntơm ƀư nău nchrăp ƀư Nkual phức hợp Y tế-Mât uănh săk soan nuĭh âk năm deh Đại học Y Hà Nội ta Ngih dak si Đại học Y Hà Nội, ntŭk kan Hoàng Mai. Nău nchrăp ƀư dơi hun hao ngih dak si mhe, “ngih dak si kloh uĕh”, tâm di công nghệ mhe n’hanh nău mĭn mhe tâm nchroh, săm, mât uănh ƀĭt joet n’hanh mât uănh săm nuĭh, rƀŏng tât jêng hạt nhân công nghệ an trong dak si Thủ đô tâm lvang rgâl mrô.

Đah rnoh ntuh kơl rlău 16.000 rmen prăk, nău nchrăp ƀư hôm lah ntŭk ƀư kỹ thuật y học mhe. Ntoh ngơi ta nar ƀư, Tổng Bí thư Tô Lâm mĭn lah: Nău nchrăp ƀư aơ tâm di n’hanh na nê̆ âk nău ntrŭnh têh bah Đảng, Ngih dak mpeh hun hao khoa học-công nghệ, hun hao wăng sa ƀư êng, n’hao mât njrăng, mât uănh săk soan nuĭh ƀon lan; nkre an saơ nău nsrôih bah Thủ đô tâm dŏng ăp trong kơl an êng gay mbơh ƀư ăp nău nchrăp ƀư têh, khlay, geh soan rêng hvi jŏ jong.