Kêng măng ntri (29/12) ta Hà Nội, Tổng Bí thư Tô Lâm tât khâl n’hanh ƀư tơm rơh pah kan đah Ntŭk rgum mât prăp nău lư gưl neh dak mbrô 1. Dơi njêng ntơm bah bôk năm aơ, aƀaơ Ntŭk rgum mât prăp nău lư gưl neh dak mbrô 1 hŏ lôch jêh ăp kôp rnoh âk nău lư dơi mât prăp gay rhŏ dŏng mât bôk kan ngih dak n’hanh hun hao wăng sa – rêh jêng kon nuĭh. Mpông rhŏ dŏng neh dak dôl dơi n’glăp dŏng rgum tĭng trong rƀŏng jêng “ntŭk du mpông mbrô rgum dơn ngoăy”, kơl dơh ngăch ƀư siƀŭt nsing ta ntŭk mât prăp nău lư ơm geh… Ta rơh pah kan, Tổng Bí thư Tô Lâm mpư rnê ăp nău dơi hŏ geh ma Bộ Công an, ăp Bộ, ăp n’gâng kan geh tât n’hanh lĕ rngôch cán bộ, tahen ta Ntŭk rgum mât prăp nău lư gưl neh dak hŏ dơi geh tâm bah ri aơ nơh.

Tổng Bí thư nchŏng kloh đŏng, 3 ntil nău jêr jŏt dŭt têh lah 3 “kô̆ yơn kol khan” ân dơi nsrôih rlău đŏng: nê lah ăp nkô̆ nău mpeh săk tam nău lư; mpôl wăr rgâl blău njêng mhe nsing ta ntŭk rgum mât prăp nău lư; rnoh ƀư tơm êng công nghệ glo tơm n’hanh nuĭh kan săk blău âk hôm mpăng đêt. Tổng Bí thư đă, Ntŭk rgum mât prăp nău lư gưl neh dak đăm gĭt jru, an ƀư jăp 5 trong rƀŏng têh, tâm trong rƀŏng têh, tâm nê rgum rdâk njêng ntŭk rgum tĭng ƀư jêng “play nuih” bah jâng wăng sa mât prăp nău lư, rêh jêng mât prăp nău lư; lah “Bôk rngok” rhŏ dŏng na nê̆, nsĭt geh nău tam pah kan rđău đă, ƀĭt juet bah Đảng, Ngih dak n’hanh nău kan bah lam rêh jêng kon nuĭh.