Nar 8/12, ta Cần Thơ, Tổng Bí thư Tô Lâm, Bí thư Quân ủy Trung ương râng Lễ nkah ndray 80 năm Nar way ơm Mpôl tahen Quân khu 9 n’hanh ntăm an săk ntơ Anh hùng Lực lượng vũ trang nhân dân.

Ntơh măt kruanh rđău kan Đảng, Ngih dak, Tổng Bí thư Tô Lâm mpư rnê ăp nău dơi ntoh lư bah mpôl tahen Quân khu 9, nkre, Tổng Bí thư đă Quân khu 9 đăm jru tay nău mĭn tahen Hồ Chí Minh, gung trong njrăng n’gang neh dak bah Đảng, n’hao săk blău rgum, suan dăng rlăch ndăng; rdâk njêng jâng nsing lam ƀon lan njrăng n’gang neh dak nâp dăng, nkre đah ntŭk nsing lam ƀon lan njrăng n’gang neh dak đah ntŭk nsing rnă njrăng lam ƀon lan; rgum rdâk njêng mpôl kan đăng hăr, tơm dăng, ngăch ngăr, têh dăng mhe, uănh khlay tiăr nti ngăn ngăn, ƀư tơm ndrak nsiu, ndơ năp dŏng, nchrăp rdâng lơh tâm ăp nău tât. Tổng Bí thư đă, mpôl tahen Quân khu 9 way ƀư jăp pah kan rgŏ jă, n’hao rdâk nâp tay nău tâm boh tâm rnglăp nkre đah tahen ƀon lan, rdâk njêng ntŭk nsing nâp tâm nuih n’hâm ƀon lan.