Ôi ntri (21/7), ta Hà Nội, Tổng Bí thư Tô Lâm tât râng n’hanh lah ta rơh lễ nkah ndray 65 năm Nar way ơm N’gâng kan kiểm sát ƀon lan (26/7), wơt dơn săk ntơ lư Anh hùng Lao động n’hanh Đại hội tâm rlong rŏng dak n’gâng kan kiểm sát ƀon lan tâl 7. Ntơh măt ăp kruanh rđău kan Đảng, Ngih dak ntăm an săk ntơ lư Anh hùng Lao động an n’gâng kan Kiểm sát ƀon lan, Tổng Bí thư Tô Lâm rnê âk ăp nău dơi têh kuâng ma n’gâng kan Kiểm sát ƀon lan hŏ dơi geh tâm 65 năm aơ.

Tổng Bí thư dăn đă, lam n’gâng kan Kiểm sát ƀon lan tâm let năp tay way grêt dăch n’hanh rhŏ dŏng geh nău tam nău kan chính trị bah neh dak tâm  rơh hun hao lhung jong săk bah rnoi nuĭh, ndơ̆ nău kan bah n’gâng kan lăp tâm nkrum lam nău ŭch geh rdâk njêng Ngih dak pháp quyền xã hội chủ nghĩa, tâm rnôk Đảng he dôl rđău đă ntrôl dăng lam lĕ rngôch rơh rgâl mhe, tĭng ƀư ăp kôp ăp nău dơn kan têh jong, ăp trong chrăp đăt ndal gay hun hao ngăch n’hanh nâp dăng neh dak, mât chăm nău rêh ƀon lan, mât nâp đăp mpăn, ƀư tơm, đăp mpăn chính trị - rêh jêng kon nuĭh n’hanh lăp rgum jru đah lam ntŭr neh.