Ndơn kan an mpôl pah kan ryơk n’hao  an 25 nklâm ndơ pă an ăp nuĭh geh kan kăl e, rnăk dơi kơl kan, cán bộ, công chức viên chức, nuĭh pah kan ta nkual di tích, Tổng Bí thư Tô Lâm mpơl nău rhơn sĭt khâl ƀon tơm di rơh kahgĭt 135 nar deh Kruanh Hồ Chí Minh gay ma ndrel nkah tay ăp nău way ueh ang bâh mpôl rnoi n’hanh kahgĭt ăp nău kan têh bâh wa Hồ đah ƀon tơm neh dak n’hanh n’gor Nghệ An. Rnê âk nău wăng sa rêh jêng ta ntŭk lah nsum n’hanh nău rêh bâh cán bộ nuĭh kan ta nkual di tích mô rlu geh n’hao, bol ma kơt nĕ, Tổng Bí thư lĕ lah na nê̆, Đảng n’hanh Ngih dak mbra geh mât chăm an ăp rnăk vâl dơi kơl, rnăk ach o, rnăk ăp nuĭh geh kan kăl e gay ma geh nău rêh ăp nar lơ ma ueh lơn đah nău mĭn mô geh du hê nuĭh nklơi tay ba kơi.