Ôi 28/01, ta Cao Bằng, Tổng Bí thư Tô Lâm tât khâl n’hanh ƀư tơm rơh pah kan đah Ban Chấp hành Đảng bộ n’gor mpeh nô nău wăng sa– rêh jêng kon nuĭh. Rơh pah kan gay đăm jru nuih n’hâm Đại hội XIV bah Đảng, ƀư kloh trong rƀŏng hun hao tâm di đah nuih n’hâm mpeh yôk yang, n’har bri geh âk nău way ơm cách mạng n’hanh ƀư jêng ngăn ngăn trong nchrăp têh jong bah Trung ương jêng nău dơn kan, trong nkra ƀư geh nău dơi.

N’glôch jêh rơh pah kan, Tổng Bí thư rnê âk nuih n’hâm sŏng dăng, djăt tĭng bah n’gor Cao Bằng rnôk uănh năl kloh ăp mpăng đêt kơt ntŭk tăch rgâl hôm jêr jŏt, GRDP rĭng geh tĭng bôk nuĭh hôm đêt. Tổng Bí thư lah rjăp nău nănh uănh sŏng tâm ngăn ngăn, mô der ntŭk kô̆ yơn lah jâng ntơm khlay gay sơch trong hăn di, njêng đăt ndal tâm let năp tay; nkre đă n’hao nău dơi tĭng ƀư, tĭng jăp nău kan, hun hao ăp n’gâng kan wăng sa suan dăng kơt wăng sa n’har bri, logistics, pâl nđaih n’hanh tuch tăm săk ntơr êng nkre đah rhŏ dŏng.