Kêng măng 4/01/2026, ta Nhih pah kan Trung ương Đảng, Tổng Bí thư Tô Lâm hŏ wơt wa Chea Kimtha, Đại sứ Đặc mệnh toàn quyền dak Campuchia tât ntĭnh sĭt nkhêp dŭt jêh năm kan ta Việt Nam. Ta rơh wơt, Tổng Bí thư mbah rhơn ăp nău dơi khlay ma Campuchia hŏ dơi geh tâm bah ri aơ nơh, mpơl nău nsing nơm Campuchia mbra mât đăp mpăn tay, bah tâm lơh tâm su n’hanh hun hao têh dăng ndrŏng kuâng.

Tổng Bí thư lah rjăp tâm boh Việt Nam – Campuchia dơi jêng n’hanh bun dăp bah nău tâm rnglăp, krêp dêh, tâm kơl nsum yor an đăp mpăn, bah tâm lơh tâm su n’hanh hun hao bah ăp dak, nkre yor an nău geh nsum bah ASEAN. Việt Nam way uănh khlay ăp nău rgop bah Campuchia đah n’gâng kan rklaih luh rnoi nuĭh n’hanh hun hao bah neh dak Việt Nam. Việt Nam lah rjăp ƀư tay lĕ n’hâm suan gay rdâk nâp, hun hao tâm boh tâm kâng n’har uĕh lăng, tâm rnglăp way ơm n’hanh tâm boh lam lĕ rngôch đah Campuchia, tâm ban kơt tâm boh đah pe dak Việt Nam – Campuchia – Lào.