Lơ 26/11, tâm trôm rơh khâl na nê̆ Việt Nam, Tổng thống Bulgaria Rumen Radev n’hanh Mpôl pah kan lĕ khâl, pah kan đah kruanh nkual ƀon têh Hải Phòng. Ta nar pah kan, Bí thư Thành ủy Hải Phòng Lê Tiến Châu mĭn lah, nuĭh ƀon lan Việt Nam nkah gĭt mro n’hanh lah uĕh ăp nău rŏng ngăn, nău kơl têh bah nuĭh ƀon lan Bulgaria tâm nău mât njrăng đăp mpăn rnoi nuĭh, ndâk njêng neh dak.

Tổng thống Bulgaria Rumen Radev mĭn lah, Bulgaria ryơk mro nău tâm boh dăch dêh way ơm uĕh lăng đah 2 dak. Tâm rơh khâl nkual ƀon têh Hải Phong rơh aơ, Tổng thống Rumen Radev mpŏng ŭch Hải Phòng tâm rgâl nău blău ơm hun hao ta lĕ nău way ơm n’hanh mhe; nău blău bah nkual ƀon têh tâm wăch rgum ntuh kơl, mkra ăp nău geh tât rnôk hun hao dŭt ngăch yơn mât n’hanh hun hao nău khlay tơm bah rnoi nuĭh. Tổng thống Rumen Radev mpŏng ŭch 2 ding mbra geh âk kan ndrel na nê̆ ta ăp ntil nău ndrel uănh tât, rgop ntrôl tâm boh dăch dêh way ơm n’hanh kan ndrel đah 2 dak Việt Nam-Bulgaria hăn jru hvi n’hanh săk rnglăy lơn tay.