Dơn nău jă bah Tổng Bí thư Nguyễn Phú Trọng ơm ôi aơ (20/6) Tổng thống Liên bang Nga Vladimir Putin hŏ tât Hà Nội ntơm hăn khâl gưl ngih dak tât dak he. Hăn khâl dja mô dơn lah nău kan tâm boh khlay ma hôm mpơl nău uănh khlay n’hanh nău ton bah Nga đah tâm boh âk ntil đah Việt Nam. Nkre, hăn khâl mpơl Việt Nam nsrôih uĕh tĭng ƀư gung trong tâm boh dak bah dih tĭng nuih n’hâm nsrôih ndôr êng, âk ding, âk trong, yor nsĭt nău geh an neh dak, an rnoi nuĭh n’hanh rgop tâm nău đăp mpăn, bah tâm lơh tâm su lam ntŭr neh.

Tâm rnôk hăn khâl bah Tổng thống Putin, kruanh rđău kan bar dak mbra tâm nchră n’hanh rƀŏng trong tâm boh têh jong lam lĕ rngôch tât năm 2030, ntrŏng kloh lơn ăp trong kan tâm boh rgum tơm, bah wăng sa, tăch rgâl, njrăng n’gang neh dak, rnă njrăng, ŭnh nar, khoa học công nghệ tât ntĭm nti, văn hóa, tâm boh ƀon lan. Ăp rnoh ŭch tât kan jŏ jong n’hanh trong nchrăp dâk kan na nê̆ mbra dơi ndơ̆ luh, gay đăp mpăn nău hun hao jŏ jong n’hanh nsĭt geh nău tam  tâm boh bar ding tâm let năp tay.