Trong Hồ Chí Minh trong der mpeh luh nar Buôn Ma Thuột hôm nha mô hŏ lôch ntrơn ntŭk gŭ ƀon lan.
Thứ sáu, 00:00, 22/03/2024
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.M'nông: Nău nchrăp kan ƀư trong têh Hồ Chí Minh trong der mpeh luh nar nkuăl ƀon têh Buôn Ma Thuột geh n’gâng kan mât uănh ntung trong ntop tay rlău 330 rmen prăk gay ma kơl ntrơn ntŭk gŭ an ƀon lan yơn nău kan hôm nha dŭt mbrơi. Uănh nđôi nău ngăn ta ntŭk nchrăp kan, Kruanh UBND n’gor Dak Lăk lĕ đă ăp ntŭk kan, n’gâng kan geh tât n’hao nău dơn kan.
Wa Phạm Ngọc Nghị, kruanh UBND n’gor Dak Lăk an gĭt, rnôk ma nău nchrăp kan mô tŏng prăk, n’gor lĕ đă rgâl mhe rnoh ntuh kơl bâh 1.509 rmen prăk hao tât 1.841 rmen prăk, hao tay 332 rmen prăk. Rnoh prăk aơ mât đăp mpăn an nău kan ntrơn ntŭk gŭ an lĕ trong, yơn tât aƀaơ nău kan aơ hôm nha ƀư mbrơi.
Nău aơ an saơ , ăp ntŭk kan, n’gâng kan ê hŏ ƀư lôch nău dơn kan bâh nơm. Kruanh UBND n’gor Dak Lăk đă ăp ntŭk kan, n’gâng kan ntŭk kan an geh nsrôih, leo ƀư tĭng ăp trong kan bâh nơm. Tâm nĕ, nuĭh leo kan bôk năp an geh n’hao nău dơn kan, ntrŭt đă ntŭk kan ba dâng. Ngăn lah nău kan ntrơn ntŭk gŭ, aƀaơ dôl kŏ văk n’hanh ƀư mbrơi, an geh nău lăp kan răng dăng lơn mơ dơi geh ƀư đăp mpăn tĭng nău nchrăp.
Viết bình luận