Ôi 17/7, Bộ trưởng Bộ Giao thông - Vận tải Nguyễn Văn Thắng hăn ôp uănh rnoh ngăch ƀư trong cao tốc mpeh n’gor Quảng Bình n’hanh Quảng Trị. Tât aƀaơ, nchrăp ƀư trong cao tốc Vạn Ninh (Quảng Bình) - Cam Lộ (Quảng Trị) hŏ lôch jêh bơi 45km jâng trong, geh bơi 72%.

Ta ntŭk ƀư aƀaơ geh 70 mpôl chruh ƀư ntung, trong, rmlông dak sor, trong mŭr bah dâng trong đah bơi 660 ndơ ntrŭp dŏng ndeh rklư n’hanh rlău 1.500 công nhân. Ndăn trôk nar dơh uĕh, tơm lŭ choih dơi mbluh soih, ăp nuĭh tơm ƀư ndranh dôl ntrôl ngăch ƀư n’hanh trok tay rnoh hôm mô hŏ tŏng rđĭl đah trong nchrăp. Kruanh rđău kan Quảng Bình n’hanh n’gor Quảng Trị ton mbra ƀư lôch jêh pah kan đă ntrơn du tâm khay 7 gay nuĭh tơm ƀư dơh lơn. Lôch nar ton dja mbra rđău đă ăp nhih pah kan dơi kan nchâp đă ntrơn du, mât njrăng ntŭk ƀư tĭng quy định. Lah geh nău nsrôih âk, trong cao tốc Vạn Ninh - Cam Lộ mbra sa nkra n’hanh n’glăp dŏng di tâm rnôk 30/4 năm 2025.