Mât chăm Tết an druh ndăm công nhân, nuĭh kan n’hanh ƀon lan rnoi mpôl đê̆ ach o, Trung ương Đoàn TNCS Hồ Chí Minh kan nsum đah Tỉnh đoàn Kon Tum ƀư bôk nău kan “Năm mhe n’har bri - Tết dak lêng gôl dak” nkhêp geh Tết Giáp Thìn 2024 ta 2 nkuâl  n’har bri Ia H’Drai n’hanh Sa Thầy. 

Ta nkuâl n’har bri Ia H’Drai, n’gor Kon Tum, Ban Bí thư Trung ương Đoàn TNCS Hồ Chí Minh hŏ kơl an trong ntĭt leo joi geh trong wăng sa rnoh khlay 2 rmen prăk ntop kơl tơm prăk manh thuk dơh gay đoàn viên, druh ndăm ta ntŭk hun hao wăng sa; kơl an 20 nklâm học bổng, ăp nklâm rnoh khlay 2 rkeh prăk an ăp kon se ach o nti blău; kơl an 30 nklâm  ndơ an công nhân Công ty TNHH MTV Cao su Chư Mo Ray n’hanh Công ty Cổ phần Cao su Sa Thầy. 

Ta bôk nău kan “Năm mhe n’har bri- Tết dak lêng gôl dak” nkre đah mât chăm Tết an druh ndăm công nhân, nuĭh kan dơi ƀư ta xã Mô Rai, nkuâl Sa Thầy, Ban Bí thư Trung ương Đoàn TNCS Hồ Chí Minh ndơ̆ kơl an 20 nklâm ndơ  an nuĭh geh nsing nơm tâm ƀon lan rnoi mpôl đê̆; kơl an 2  máy vi tính, loa an Đoàn xã Mô Rai. Nkhêp geh rnôk Tết way ơm bah rnoi nuĭh, Ban Bí thư Trung ương Đoàn TNCS Hồ Chí Minh ndrel Tỉnh đoàn Kon Tum tât khâl, mbah rhơn Tết rgŏ jă nuih n’hâm, kơl an ăp nklâm ndơ  geh rnoh khlay an cán bộ, tahen Công an xã Ia Dom n’hanh Pôih n’har bri Ia Dom, nkuâl Ia H’Drai./.