Truy điệu, tâp 16 nting tahen khĭt tâm lơh kăl e geh rgum joi ta Lào n’hanh Campuchia.
Thứ sáu, 08:46, 07/06/2024
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.M'nông: Ôi lơ 6/6, ta môch tâp tahen khĭt nkuăl n’har bri Ngọc Hồi, n’gor ủy, HĐND, UBND, UBMTTQ Việt Nam n’gor Kon Tum lĕ geh ƀư rơh truy điệu n’hanh tâp nting tahen 16 tahen khĭt tâm kơl kan, nuĭh way kan Việt Nam khit ta ăp rơh ta Lào n’hanh Campuchia yor Đội K53 n’gor Kon Tum geh rgum joi ta khay wai mhe nơh.
Răk nău mbơh tơih nău rêh nău kan ta rơh vơt nting tahen khĭt, wa bu ur Y Ngọc, groi kruanh UBND n’gor Kon Tum mpơl nău ryơk rnê dŭt n’hâm n’hanh nău lah ueh âk đah ăp tahen khĭt - ăp nuĭh kon ntoh lư bâh mpôl rnoi Việt Nam lĕ tâm lơh, khĭt ji an nău kan rklaih đăp mpăn mpôl rnoi n’hanh nău tâm rnglăp tâm kơl lam ntur neh têh kuăng.
Tâm 16 nting tahen khĭt tâm lơh ma Đội K53 n’gor Kon Tum geh joi, geh 1 hê tahen khĭt lĕ gĭt năl ntơ săk, lah liệt sỹ Đoàn Thanh Long, deh năm 1926, ƀon tơm ta xã Điện Quang, nkuăl Điện Bàn, n’gor Quảng Nam. Rnâng kan way kan n’gor Kon Tum lĕ ndơ̆ nting tahen khĭt sĭt đah rnăk vâl n’hanh n’gâng kan ta ntŭk gay ma ƀư ăp nău way njor khĭt tâp nting.
Viết bình luận