Nău kan tach pâl golf Đăk Đoa geh mbơh ƀư ta nkual Phức hợp Đăk Đoa, tâm rnôk ƀư bâh pe khay bôk năm 2026 tât dŭt năm 2029, pah kan tâm 50 năm. UBND n’gor Gia Lai pă an ntŭk kan tuch tăm mât rong n’hanh ntŭk gŭ rêh n’gor leo kan, ƀư tĭng ăp nău săm ƀŭt pă neh, an manh neh di đah nău ntrŭnh pháp luật, nkre lah tâm rgop đah ntŭk kan tơm prăk uănh năl nău khlăy drăp ndơ ndrel đah neh dŏng, tâm nĕ geh rnoh neh bri n’ho n’hanh ăp rnoh prăk geh tât ma nuĭh ntuh kơl lĕ ndơ̆ an tơm prăk ngih dak tâm rnôk geh dơi leo ƀư. ăp ntuk kan, n’gâng kan geh tât n’hanh UBND xã Đăk Đoa lĕ geh nău ntrŭnh tâm rgop, uănh nđôi, ntim leo nuĭh ntuh kơl ƀư tĭng ăp nău way ntuh kơl, neh ntu, rdâk njêng, nău nchrăp gŭ, mât ueh ntŭk gŭ rêh, njrăng rdâng ŭnh sa, mât đăp mpăn rnă njrăng.