Nar 18/6, UBND nkual ƀon têh Buôn Ma Thuột, n’gor Dak Lak ƀư mâp măt ăp nhih pah kan báo chí nkhêp nkah ndray 99 năm nar báo chí cách mạng Việt Nam. Ta nkual ƀon têh Buôn Ma Thuột, aƀaơ geh rlău 60 nhih pah kan báo chí, văn phòng ntơh măt dôl  kan, đah rlău 300 phóng viên, cộng tác viên dôl nchih nkoch nău lư.

Lah ta rơh  mâp măt, wa Vũ Văn Hưng, Kruanh UBND nkual ƀon têh Buôn Ma Thuột nchih nkah, ăp nhih pah  kan báo chí hŏ grêt dăch ngăn ngăn tâm nău rêh, ntroh n’gôr, rgŏ jă, nkoch jru hvi, treh têl rup uĕh ăp nău dơi hŏ geh tâm ăp nău dơn kan hun hao wăng sa- rêh jêng kon nuĭh, đăp mpăn njrăng n’gang neh dak rnă njrăng. Êng nhih pah kan way gŭ kan ta nkual Tây Nguyên – Radio nău ngơi Việt Nam hŏ rgop uĕh đah n’gâng kan hun hao wăng sa, rêh jêng kon nuĭh, đăp mpăn njrăng n’gang neh dak bah Buôn Ma Thuột lah êng, n’gor Dak Lak lah nsum. Nkre, nkoch trêng, nkơnh n’hơ rup gui săk geh, dơh uĕh, văn hóa, săk tơm nkual ƀon têh Buôn Ma Thuột tât âk mpưm ƀon lan, năch pâl nđaih, băl mpôl tâm dak n’hanh dak bah dih.