Đại sứ Đặng Hoàng Giang, Kruanh mpôl đă hăn kan Việt Nam ta Liên hợp quốc hŏ wơt wa June Kunugi, Giám đốc mât uănh tâm boh bah Prăk nkrem kon se Liên hợp quốc (UNICEF). Đại sứ Đặng Hoàng Giang lah rjăp Việt Nam way uănh khlay n’hanh ndơ̆ pah kan mât chăm kon se lah nău kan khlay an ƀư lor bôk năp tâm trong nchrăp hun hao wăng sa- rêh jêng kon nuĭh bah neh dak, rong an ăp tơm ndơ khlay ntuh kơl an nău hun hao bah kon se.

Wa June Kunugi rnê âk ăp nău dơi ma Việt Nam hŏ dơi geh tâm 40 năm tĭng ƀư pah kan rgâl mhe, uănh nê lah ntŭk nsing gay Việt Nam geh ăp nău dơi uĕh dŭt di ma ntrŭt nsôr tâm mât  chăm  kon se. Ta rơh wơt, bar ding tâm ban ŭch ndrel  kan nsum ƀư nău kan nkah ndray 50 năm tâm boh Viêt Nam -UNICEF, tâm ban kơt tâm ôp trong ƀư gay n’hao nău tam kan bah UNICEF tâm rgum tơm  ndơ đŏng, tĭng ƀư ăp bôk nău kan, trong nchrăp kan, ntrŭt ntrôl tâm boh, kan nsum nkual Châu Á -Thái Bình Dương.