Nar nđaơ, Mpôl pah kan bah Ủy ban Dân tộc yor wa Y Vinh Tơr, Ủy viên dự khuyết Trung ương Đảng, Groi Chủ nhiệm Ủy ban Dân tộc ƀư kruanh rmôt lĕ ƀư tĭng uănh nđôi, groi uănh, uănh lah nău ƀư tĭng Bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt n’hanh nkual yôk ta n’gor Kon Tum. Ƀư tĭng Bôk nău kan rƀŏng tĭng lam dak hun hao wăng sa rêh jêng nkual rnoi mpôl đêt n’hanh nkual yôk, bah năm 2021 tât khay 8/2024, n’gor Kon Tum pă an geh rlău 1.400 rmen prăk, geh rlău 60% trong nchrăp.

Du năm n’gor hŭch geh 3-4% rnoh rnăk ach o nuĭh rnoi mpôl đêt; geh 13 xă n’hanh 48 thôn rklaih luh nău dŭt jêr jŏt... Ta nar pah kan, wa Y Vinh Tơr uănh lah prêh nău nchăp lor bah n’gor Kon Tum tâm nău ƀư tĭng ăp bôk nău kan rƀŏng tĭng lam dak; geh trong ƀư ƀĭt joet bôk nău kan tâm di đah nău geh ngăn. N’gor ủy geh nghị quyết êng mpeh ƀư tĭng ăp bôk nău kan rƀŏng tĭng lam dak; geh rnoh pă an prăk âk lơn nkôp đah âk ntŭk ƀư tĭng bôk nău kan.