VOV4.M’nông- Kêng măng nar naơ 15/9, an tâm rgop nău nchrăp rơh rƀŭn nchră tal 4 bâh Quốc hội khóa 15, Tổng thư ký Quốc hội, kruanh ntŭk kan văn phòng Quốc hội Bùi Văn Cường an gĭt, nău nchrăp lĕ mông nar pah kan bâh rơh rƀŭn nchră tal 4 lah 23 nar n’gul.

Quốc hội nchrăp ntơm pơk ta nar 20/10. Tổng thư ký Quốc hội Bùi Văn Cường an gĭt, Chính phủ dăn đă ntop tay nkô̆ nău ndơ̆ an Quốc hội uănh n’hêl, ntrŭnh mbơh nău nchrăp lĕ rngôch ngih dak rơh 2021-2030, mpŏng uănh tât năm 2050, ndơ̆ an QH uănh n’hêl, ndơ̆ mbơh Nghị quyết mpeh rlong ƀư nău dơi săch dŏng rnoh mbrô ndeh ô tô bâh nău tâm rlong rvăt n’hanh uănh n’hêl, mbơh Nghị quyết mpeh rlong ƀư du đê̆ nău kan, nău kơl an gay ma hun hao nkuăl ƀon têh Buôn Ma Thuột, n’gor Dak Lak n’hanh uănh n’hêl trong kan njrăng rdâng nău kŏ văk, nău mô dơi ta du đê̆ ntŭk sŏk prăk trong hăn/nău nchrăp kan BOT. Lôch nĕ, Ủy ban rnâng kan Quốc hội lĕ rƀŭn nchră nglôch lôch rƀŭn nchră tal 15, ntoh ngơi nglôch lôch rƀŭn nchră, kruanh Quốc hội Vương Đình Huệ dăn đă ăp ntŭk kan an geh ƀư lôch ơm ăp nău mbơh tơih uănh nđôi bôk nău kan, ngăn lah mbơh tơih mpeh nău geh uănh nđôi bôk nău kan “Nău ƀư tĭng nău kơl kan, pháp luật mpeh ƀư tĭng dŏng mpêt nkrem, njrăng mpŭng lir lvang năm 2016-2021” gay ma ndơ̆ an Quốc hội ta rơh rƀŭn nchră tal 4, Quốc hội khóa 15.

Nuĭh rblang: Thị Đoắt