VOV4.M’nông- Ôi aơ 19/9, ta Hà Nội, Ủy ban rnâng kan Quốc hội ntơm pơk rơh rƀŭn nchră bôk nău kan pháp luật khay 9. Geh ƀư tâm 4 nar, ta rơh rƀŭn nchră aơ, Ủy ban rnâng kan Quốc hội an tâm rgop nău ta âk nkô̆ nău khlăy êng, tâm nĕ geh nău nchrăp Luật neh ntu mhe rgâl, nău kơl gay ma hun hao nkuăl ƀon têh Buôn Ma Thuột bâh n’gor Dak Lak n’hanh du đê̆ nău nchrăp luật êng gay ma ndơ̆ an Quốc hội ta rơh rƀŭn nchră tal 4, geh ƀư ta khay 10 tay.

Ta rơh rƀŭn nchră aơ, Ủy ban rnâng kan Quốc hội rgum an tâm rgop nău ta 3 nău nchrăp Luật geh ndơ̆ an Quốc hội an tâm rgop bôk năp geh: Nău nchrăp Luật mbơh nău kan điện tử rgâl mhe, nău nchrăp Luật rnoh khlăy mhe rgâl, nău nchrăp Luật Hợp tác xã mhe rgâl, nău nchrăp Luật dơn kan rdâk njêng mhe rgâl, nău nchrăp Luật neh ntu mhe rgâl. Nkre lah, an tâm rgop mpeh nău mbơh rblang, dơn gĭt, rgâl nkra mpeh nău nchrăp Luật uănh săm ji rgâl mhe n’hanh an tâm rgop nău rơh 2 mpeh nău nchrăp Luật njrăng rdâng tâm ƀon lan.

Nuĭh rblang: Thị Đoắt