Lŏ ƀư rơh rƀŭn tal 32, nar aơ lơ 22/4, Uỷ ban Rnâng kan Quốc hội rgop nau mpeh nau nchrăp Luật soay rnoh hao khlay (rgâl nkra). Nau nchrăp Luật soay rnoh hao khlay (rgâl nkra) ntrŭnh mpeh nŭih ndŏ soay, nŭih mô kâp ndŏ soay, nsing tâm nau kơp soay, ndŏ soay ndrel mô geh ân soay rnoh hao khay. Nau nchrăp Luật rnôk aơ hŏ rgum nŭih mô kâp soay hao khlay, gay đăp mpăn nau dơi bah nau kan geh n’huch soay, ndŏ soay hao khlay, rklaih ăp nau kol tâm rnôk ƀư.

Nau nchrăp luật ntrơn 7 ntil ndơ, nau kan tâm rnoh nŭih mô geh nchâp soay hao khlay jêng rmôt ndơn ăp rnoh soay hao tay, geh: phân poh, máy móc, ndơ dŏng kơl an tuch tăm, duk joi nhŭp ka ngai kơh, lưu ký chứng khoán, nau kan bưu chính, viễn thông ndrel Internet mbơh tĭng nau ntrŭnh bah Chính phủ, nau kan mât ntŭk rong mpa bri, mir kao công viên, tơm si tâm trong hăn, mpoh ang ŭnh tâm trong hăn./.