Nthoi tay  rơh hop  tâl 32, nar aơ (nar 16/4), Ủy ban Thường vụ Quốc hội an nău rgop mpeh trong nchrăp Luật rgâl nkra, kơi ntop du đêt nkô̆ bah Luật Dược. Trong nchrăp Luật rgâl nkra, kơi ntop du đêt nkô̆ bah Luật Dược hŏ kơi ntop  tâm du đêt ntil trong tăch rgâl mhe gay tŏng đah nău ŭch geh ngăn ngăn, tâm nê geh tăch rgâl tĭng trong tăch rgâl điện tử, đăp mpăn mât kân lhăt ăp nău kan geh tât trong kan dak si.

Tâm nar aơ đŏng, Ủy ban Thường vụ Quốc hội mĭn uănh  siƀŭt rblang dăn mpeh nău đă rgâl trong nchrăp ntuh kơl bôk  nău kan gưl neh dak hun hao wăng sa- rêh jêng kon nuĭh nkual rnoi mpôl đê̆ n’hanh mpeh yôk yang lvang năm 2021 - 2023; Mĭn uănh mbơh pah kan ƀon lan sơch kan bah Quốc hội n’hanh an nău rgop mpeh siƀŭt rblang dăn bah Kruanh dak mpeh nău ký Hiệp ước manh đah Việt Nam n’hanh  Ngân hàng plơ̆ njêng tay n’hanh hun hao lam ntŭr neh an trong nchrăp ƀư ntŭk ntô ndơ dŏng an ƀư lor n’hanh hun hao nkual ƀon têh bên di đah rgâl trôk nar nkual ƀon têh Vinh, n’gor Nghệ An.