Ôi 8/4, ta Hà Nội, Ban Rnâng kan Uỷ ban Trung ương Mặt trận Tổ quốc Việt Nam hŏ ƀư Lễ dơn ndơ kơl nău kan mpư rnê, nkah gĭt ăp tahen dăng janh khĭt, tahen Điện Biên, druh ndăm xung phong, dân công hỏa tuyến (râng na nê̆ tâm lơh Điện Biên Phủ) tâm lam dak.

Wa Đỗ Văn Chiến, Bí thư Trung ương Đảng, Kruanh Uỷ ban Trung ương Mặt trận Tổ quốc Việt Nam râng Lễ wơt dơn ndơ kơl. Ta rơh lễ, Groi Thống đốc Ngân hàng Ngih dak Việt Nam Đào Minh Tú  ndơ̆ rnoh prăk 20 rmen prăk bah Công đoàn Ngân hàng Việt Nam rgŏ jă kơl gay mpư rnê, nkah gĭt ăp tahen dăng janh khĭt, tahen Điện Biên, druh ndăm xung phong, dân công hỏa tuyến râng na nê̆ tâm lơh Điện Biên Phủ.  Nkhêp geh rnôk dja, Ngân hàng Nông nghiệp n’hanh Phát triển nông Việt Nam ndơ̆ rnoh prăk kơl 2 rmen prăk gay rhŏ dŏng nău kan nkah gĭt ăp  tahen ơm  dăng janh khĭt, tahen Điện Biên, thanh niên xung phong, dân công hỏa tuyến râng na nê̆ tâm lơh Điện Biên Phủ ta n’gor Thanh Hóa.