VOV4.M’nông – Nthoi tay rơh rƀŭn chuyên đề pháp luật khay 9, nar aơ (21/9), Ủy ban TVQH an rgop mpơeh nău mbơh rblang, djăt, nkra di mpeh nău nchrăp ƀư Luật but uănh, sam ji (nkra rgâl). Djăt ăp nău rgop ntoh măt Quốc hội ta rơh rƀŭn tal 3, tât aƀaơ dự thảo Luật But uănh, săm ji (nkra rgâl) ntrŭnh rnoh khlay but uănh, săm ji dơi mĭn tĭng tâm prăk dŏng kơp tŏng ăp nkô̆ prăk dŏng, tâm di đah nău dơi trok n’hanh ntrŭt nsôr n’hao uĕh tam, hun hao kỹ thuật nău way kan.

Kruanh Quốc hội Vương Đình Huệ ta rơh tâm nchră.

Bah năp nĕ, ta Rƀŭn nchră ntoh măt Quốc hội chuyên trách mhe rlău, ăp nuĭh ntoh măt an lah, an geh trong ƀư êng, trong kơl êng an nău ƀư but uănh, săm ji n’hanh nău kan năp rwăt ndơ dak si ngih dak ndâk njêng, gay tŏng ăp tâm di nău ŭch ngăch ăp nău ŭch but uănh, săm ji n’hanh nta an tâm rlong tâm ban đah ăp ntil but uănh, săm ji. Ăp nuĭh ntoh măt an lah; nkô̆ nău  kol ngăn n’hanh khlay ngăn đah nău kan y aƀaơ lah kan nsrel nsum-êng, yor nê đă ntlơi nău lah “kon nuĭh tâm rgop” dak si. Yor mô dơi kon nuĭh tâm ban trong ƀư êng sŏk prăk nsum đah ngih dak si rwăt măy, an tâm ngih dak si dŏng jêh nĕ tâm pă sŏk sa.

Nuĭh rblang: Y Sưng Phê Ja