Ôi aơ (17/1), ta Hà Nội, Ủy ban TVQH ƀư rơh rƀŭn gay an rgop nău, rblang, djăt, nkra di đah 4 dự thảo Luật n’hanh Nghị quyết dôl dơi Quốc hội an rgop nău ta Rơh rƀŭn ndal rơh tal 5. Tĭng bôk nău kan, Ủy ban TVQH mbra an rgop mpeh nău rblang, djăt, nkra di dự thảo Luật Neh ntu (nkra rgâl); Luật ăp rmôt kan an manh prăk (nkra rgâl); dự thảo Nghị quyết mpeh du đêt trong ƀư, nău kơl an êng gay dôh rklaih jêr jŏt, wăk kol, ntrôl ngăch ƀư tĭng ăp bôk nău kan rƀŏng tĭng lam dak n’hanh dự thảo Nghị quyết mpeh nău ntop tay trong nchrăp ntuh kơl nsum đêt năm prăk tơm prăk trung ương lvang 2021-2025

bah tơm prăk nkrem nsum tâm ban đah tơm prăk sŏk hao, ntêm nkrem dŏng tơm prăk trung ương năm 2022 an ăp nău kan, nău nchrăp ƀư ntuh kơl nsum n’hanh ntop tay Trong nchrăp ntuh kơl nsum đêt năm an tập đoàn điện lực Việt Nam bah tơm prăk nkrem bah Trong nchrăp ƀư nsum đêt năm. 4 nkô̆ nău khlay aơ lĕ dơi ăp đại biểu Quốc hội tâm nchră âk ngăn ta Ngih rƀŭn tâm 2 nar pah kan bah rơh rƀŭn ndal rơh tal 5. Jêh rnôk Ủy ban TVQH djăt, nkra di ăp đại biểu Quốc hội mbra uănh mĭn tay, mbơh an tâm nar ôi taơ (18/1) tâm Rơh rƀŭn ndal rơh tal 5 aơ.