VOV4.M’nông – Nthoi tay rơh rƀŭn bôk nău pháp luật, ôi aơ 23/9) Ủy ban TVQH an rgop mpeh dự thảo Trong nchrăp groi nđôi na nê̆ n’hanh bôk nău ăp nău mbơh bah Mpôl groi nđôi bah Quốc hội mpeh “Nău rgŏ jă, mât uănh n’hanh dŏng ăp ndơ rhŏ an trong kan njrăng, n’gang srê Covid-19; ƀư tĭng nău kơl, pháp luật mpeh dak si bah dâng, dak si nchrăp njrăng n’gang”. Ta Rơh rƀŭn tal 3, Quốc hội lĕ nsơr ty mbơh an Nghị quyết mpeh nău ndâk njêng Mpôl groi nđôi bôk nău kan “Nău rgŏ jă, mât uănh n’hanh dŏng ăp nuĭh rhŏ trong kan njrăng, n’gang n’gang srê Covid-19; nău ƀư tĭng nău kơl, pháp luật mpeh dak si bah dâng, dak si nchrăp njrăng. Nkô̆ nău groi nđôi uănh lah dơi geh săk rnglăy, mô tŏng, jêr jŏt, wăk kol, mĭn joi nkô̆ nău, ntĭm kloh nău kan bah ăp ngih pah kan, rmôt kan, êng nuĭh tâm nău kan: rgŏ jă, mât uănh n’hanh dŏng ăp ndơ rhŏ an njrăng, n’gang srê Covid-19; ƀư tĭng nău kơl, pháp luật mpeh dak si bah dâng n’hanh dak si nchrăp njrăng. Nkre, dăn đă trong mkra n’hao săk rnglăy rgŏ jă, mât uănh n’hanh dŏng ăp ndơ njrăng, n’gang srê; ƀư tĭng nău kơl, pháp luật mpeh dak si bah dâng, dak si nchrăp njrăng n’hanh jêh nău kơl, pháp luật geh tât.

Nuĭh rblang: Y Sưng Phê Ja