Nthoi tay bôk nău kan rơh rƀŭn tal 31, nar (18/3) Ủy ban Thường vụ Quốc hội ƀư ôp n’hanh ơh nău ôp. Kruanh N’gâng kan prăk kaih Hồ Đức Phớc n’hanh Kruanh n’gâng kan tâm rnglăp nchră nău Bùi Thanh Sơn mbra ơh nău nău ôp 2 rmôt nău mpeh tâm nău prăk kaih n’hanh tâm rnglăp nchră nău bah dih.

2 rmôt nău dơi săch ôp lah nkô̆ nău khlay n’hanh tâm di đah nău ŭch ngăn n’gluh an, dơi cử tri n’hanh nuĭh ƀon lan dŭt n’hâm uănh, lơn lah rmôt nău mpeh tâm nău prăk kaih. Nkô̆ nău ôp n’hanh ơh nău ôp rgum tâm trong kan mât uănh, groi nđôi nău ƀư tăch rgâl bảo hiểm; pă an nău ƀư bah ăp công ty ƀư rhŏ an geh tât prăk kaih; nău ƀư tĭng pháp luật đah nău ƀư tăch xổ số, nkol, casino n’hanh nău pâl điện tử geh nkhôm. Đah rmôt nău mpeh tâm rnglăp nchră nău, nkô̆ nău ôp n’hanh ơh nău ôp rgum tâm trong kan mât uănh nuĭh ƀon lan Việt Nam ta dak bah dih. Nău săch ntil nău n’hanh rmôt nău mpeh nău ôp an saơ nău ngăn bah Ủy ban TVQH; hăn ndrel đah nău kan bah ngih pah kan ƀon lan đă đah nău ngăn rêh jêng, tâm di n’hanh ngăch mkra ăp nău ôp, nău ntoh mhe ma nău rêh n’gluh an.