Kêng măng 19/1, di rnôk vơt năm mhe Giáp Thìn năm 2024, wa Phan Đình Trạc, Uỷ viên Bộ Chính trị, Bí thư Trung ương Đảng, Kruanh Ban Nội chính Trung ương ndrel rmôt hăn kan hŏ tât khâl ndrel pă nklâm ndơ Tết tâm n’gor Cà Mau. Wa Phan Đình Trạc hŏ pă rlau 300 nklâm ndơ tết ân âk rmôt, rnăk vâl geh dơi kơl, rnăk vâl ach o, công nhân, nŭih pah kan geh nau rêh jêr jŏt tâm lam n’gor Cà Mau, nkre pă 500 rkeh ân “Tơm prăk kơl an nŭih ach o” bah nkuăl.

Tâm nar pă, wa Phan Đình Trạc mbơh, rơh rlau aơ, Đảng ndrel Ngih dak mro kơl an ntrŭnh âk bôk nau kan n’huch ach o nâp nâl gay n’hao lơn tay nau rêh drăp ndơ, nuih n’hâm bah nŭih ƀon lan, nŭih pah kan, kŏ kơt lah geh âk nau kan nkah, kơl an ân ăp rnăk dơi kơl, nŭih geh n’hâm. Nau nê gay ƀư ueh nau kan “Ngêt dak nkah gĭt tu”, ntoh nau kơl an bah Đảng, Ngih dak đah nŭih geh n’hâm, rnăk ach o, nŭih geh nau rêh jêr jŏt./.