VOV4.M’nông - Nar 3/10, N’gâng kan dak si Nkual ƀon têh Hồ Chí Minh năl jêh uănh rblang bah gen mĭn lah du hê bu ur ntưp srê rtoh luh ta săk dôk. Aơ lah nuĭh ji ntưp rtoh luh ta săk dôk bôk năp dơi kơp dơn ta Việt Nam. Tĭng N’gâng kan dak si, aơ lah nuĭh bu ur 35 năm deh, gŭ ta nkual ƀon têh Hồ Chí Minh; ntơm geh ji nar 18/9/2022 rnôk dôl pâl nđaih ta Dubai (bah khay 7/2022 tât 22/9/2022 sĭt Việt Nam) đah nău ntoh duh nkre ji ŏk, klach nđĭk, ji rse soan, ji bôk n’hanh siăk, geh ăp rplăy chăng, chiăt ta ty, ta săk n’hanh măt. Jêh rnôk sĭt Việt Nam tâm nar 23/9/2022, nuĭh ji lĕ tât but uănh ta Ngih dak si Từ Dũ n’hanh ntôn ntưp nău ji ntưp rêng, dơi ndơ̆ hăn ngih dak si Da Liễu nkual ƀon têh Hồ Chí Minh. Ta aơ, nuĭh ji dơi nkhah êng, sŏk mham uănh năl, tât nar 25/9/2022, nuĭh ji an saơ bôk năp ntưp đah nău ji rtoh luh ta săk dôk. Aƀaơ, nuĭh ji săk soan đăp mpăn, mô duh, dôl dơi nkhah êng, săm ta ngih dak si Nhiệt đới nkual ƀon têh Hồ Chí Minh.

VOV.VN/ Nuĭh rblang: Y Sưng Phê Ja