Tâm rơh rƀŭn, 2 ding lah rjăp nau tâm boh kan nsum gay n’hao tâm boh Việt Nam-Thái Lan nar lơn hun hao jru ndrel ngăn, tâm nau ryơk, rnơm ndrel geh nsum săk rnglay.

Bar ding tâm ban nau ân n’hao tâm n’ur ƀon lan, ngăn lah rơh mom, bah ăp nau kan văn hoá, thể thao, pâl n’aih, ntĭm ntil ntrŭt dăng nau ntĭm nau ngơi Thái ta Việt Nam ndrel nau nau ngơi Việt ta Thái Lan. Wp nê, bar ding lah rjăp nau khlay bah nau tâm boh ăp ntil ndrel ƀư ueh ăp nau khlay văn hoá, nau ơm bah Việt Nam ta Thái Lan; bonh đă hun hao nau kan yor ƀon lan nâp nâl bah Thái Lan ta Việt Nam. Tâm rơh rƀŭn, 2 ding tâm nchră tât nau nchrăp ân rơh khâl Việt Nam bah thủ tướng Thái Lan ndrel nkre ƀư tơm nar rƀŭn Chính phủ nsum tal 4. Kruanh n’gâng kan Bùi Thanh Sơn lah rjăp, Thủ tướng Chính phủ Phạm Minh Chính ŭch geh vơt Thủ tướng Thái Lan tâm rơh tât./.