Kêng măng nđaơ (13/1) ta ngih Chính phủ, Ban Ntĭm rđău ngih dak nkra khuch khat bom mìn n’hanh dak khih hóa học jêh tâm lơh tâm su Việt Nam (Ban Ntĭm rđău 701) rmôt kan rƀŭn nchră n’glôch jêh bôk nău kan ƀư tĭng lam dak nkra khuch khat bom mìn jêh tâm lơh tâm su lvang 2010-2025.

Ta rƀŭn nchră, Thủ tướng uănh lah prêh nău nsrôih n’hanh săk rnglăy tâm trong kan nkra khuch khat bom mìn tâm 15 năm bah năp; nkoch nău lah uĕh Chính phủ ăp dak, ăp rmôt kan dak bah dih hăn ndrel đah Việt Nam tâm trong nkra khuch khat tâm lơh tâm su, nkra khuch khat bom mìn. Thủ tướng đă năm tât ntrôl ngăch mkra bom mìn, ƀư tĭng lôch jêh nău rƀŏng tât năm 2045 ntơh kloh jêh lĕ rngôch n’hôl djơh bom mìn  tât rnoh jru 0,5m; đă N’gâng kan Prăk kaih an prăk, rgum mkra khuch khat bom mìn. Ntrôl dăng trong kan mĭn njêng, kơt dŏng ăp nău geh khoa học n’hanh công nghệ hăn ndrel đah rgâl mrô; n’hao nău kan ta ntŭk; n’hao nău rgâl ta ntŭk, rƀŏng ât ƀư tơm công nghệ uănh joi bom mìn.