Wa K’Bé lah ngoăy tâm âk nuĭh geh nsing knơm ta xă nkual prêh Phan Sơn. Năm aơ wa lĕ rlău 60 năm deh, rlet rlău âk nău kan ta ƀon lan, ta ăp gưl kan, wa dơi kônh wa  K’Ho, Raglai ta aơ nsing nơm n’hanh ryơk.

Jêh rnôk rlu ranh, wa dơi kônh wa nsing nơm n’hanh săch lah Nuĭh nsing nơm. Wa K’Bé lĕ nsrôih ndrel đah Mpôl ƀĭt joet thôn nkoch trêng an kônh wa mpeh nău ntrŭnh, trong hăn bah Đảng, nău kơl, pháp luật bah Ngih dak. Lơn lah nkoch trêng kônh wa râng ntrong leo ndâk njêng thôn ƀon mhe, hun hao wăng sa, ndâk njêng nău tâm rnglăp, mât rnă njrăng  ta ntŭk n’hanh nsrôih mât ndrăy ăp nău khlay văn hóa rnoi mpôl đêt.

Ntơm ndâk njêng nău kan đah ntrong ƀư mât lêr wai, khay bôk năp nô Đức mô hŏ geh nău blău mât mpa rong mhe aơ jêng mâp mô đêt jêr jŏt. Yơn gĭt saơ nău ŭch ntŭk tăch lêr luh ntŭk tăch dơh, tăch mô tŏng nău ŭch jêng nô nănh ntuh kơl tay đah ndoh ndơ, kỹ thuật, mĭn njêng gay mât n’hanh yơng êng ntil, ndơ̆ an ntŭk tăch rnoh ndơ âk lơn.

Gâp saơ lĕ đah nău kan bah gâp lơ âk lơn đah nsum mpôl, đah kônh wa ƀon lan. Yor nê, tâm năm bah năp, gâp ndrel đah kônh wa ƀon lan geh âk nău rgop tâm ôp tâm nchră an gưl ủy, n’gâng kan ƀon lan an ƀư uĕh n’hanh tŏng ăp lơn ăp nău ntrŭnh, gay m’hâm ƀư nău rêh bah kônh wa nar lơ hao. Geh kơt nĕ, nău nsing nơm bah ƀon lan đah Đảng, Ngih dak lơ hao prêh lơn tay. Na nê̆ bah ăp nău ntrŭnh nĕ, tâm năm bah năp, lĕ rgop n’hao nău rêh bah ƀon lan rnoi mpôl đêt ta xă Phan Sơn.

Mât uĕh nuih n’hâm hăn lor, wa K’Bé mô knŭng tĭng uĕh ăp nău ntrŭnh, nău kơl pháp luật bah Đảng, Ngih dak ma hôm lah nuĭh khlay tâm hun hao wăng sa rnăk wâl, ntrong leo an kon sau n’hanh nuĭh ƀon lan ta aơ kơt tĭng.

Mô knŭng gĭt ƀư ndrŏng an rnăk wâl, wa K’Bé hôm rgŏ jă jrŏng rnoi, kônh wa ƀư sa. Wa hôm rgŏ jă kônh wa jăng lơi nău rlŭk mâl, ngăn lah nău gŭ ur sŏk sai ơm

Wa K’Vi Ang, gŭ xă Phan Sơn, n’gor Lâm Đồng an gĭt, bah năp đaơ, tâm ƀon hôm e âk nuĭh gŭ ur sŏk sai ơm, geh oh bu ur sŏk sai mhe 13-14 năm deh. Jêh rnôk dơi wa K’Bé rblang, nkoch trêng mpeh ăp nău khuch bah gŭ ur sŏk sai ơm tâm ăp rơh rƀŭn thôn, kơl kônh wa wât nău khuch bah sŏk sai gŭ ur ơm. Âk năm aơ, nău aơ hŭch na nê̆.

Kônh K’Bé geh nău ƀư tơm lư ngăn tât nu nău hun hao wăng sa kơt ăp ntrong leo ta ntŭk. Na nê̆ rgŏ jă kônh wa yŭr an neh gay ƀư tĭng ăp ndơ ƀư dak bât, trong hăn. Kônh K’Bé rgŏ jă kônh wa mât nău uĕh văn hóa rnoi mpôl đêt, nkre rgŏ jă kônh wa ƀư tĭng uĕh nău đăp mpăn rnă njrăng ta xă Phan Sơn.

Knơm ăp nău nsrôih, rgop bah rmôt nuĭh nsing nơm, tât aƀaơ xă Phan Sơn, n’gor Lâm Đồng lĕ dơi geh ăp săk rnglăy uĕh ta ăp ntil nău; ăp trong hăn thôn ƀon dơi ƀư bê tông, rnăk wâl dơi dong điện ngih dak; ăp thôn geh jay văn hóa, rnoh rnăk ach o hŭch ăp năm... Nău uĕh văn hóa rnoi mpôl đêt dơi mât ndrăy, mât uĕh; rnă njrăng chính trị, đăp mpăn rêh jêng dơi mât nâp, tâm rnglăp rnoi nuĭh dơi hao.

Wa Bùi Ngọc Sơn, Groi Giám đốc N’gâng kan Dân tộc n’hanh Tôn giáo n’gor Lâm Đồng an gĭt, gay n’hao ƀư tơm bah Nuĭh nsing nơm, tât aƀaơ, N’gâng kan lĕ ƀư 4 jrô tiăr nti rpăy samƀŭt n’hanh n’hao nău blău an rmôt Nuĭh nsing nơm ta lam n’gor, gay nuĭh nsing nơm gĭt kloh n’hanh nkoch tay săk rnglăy tât kônh wa.

Đah nsing nơm bah nơm, wa K’Bé mô knŭng mât uĕh nău ƀư tơm ntung nthoi ma hôm rgop rêh hvi nău kơl n’hanh ntrôl hun hao nkual rnoi mpôl đêt ta xă nkual yôk Phan Sơn, n’gor Lâm Đồng.