Nar 6/10, Rƀŭn nchră rơh tal 8 Ban Chấp hành TW Đảng khóa 13 tât nar pah kan tal 5. Ta ôi, Ban chấp hành trung ương Đảng pah kan ta Ngih rƀŭn tâm nchră mpeh n’glôch jêh 15 năm ƀư tĭng Nghị quyết bah Ban Chấp hành Trung ương Đảng khóa 10 mpeh ndâk njêng rmôt gĭt blău tâm rnôk ntrôl dăng công nghiệp mhe, rgâl mhe neh dak.

Đồng chí Trương Thị Mai, Ủy viên Bộ Chính trị, Rnâng kan Ban Bí thi, Kruanh Ban tổ chức Trung ương ndơn măt Bộ Chính trị ƀĭt joet tâm nchră. Ta nar pah kan ôi Ban Chấp hành Trung ương Đảng săch ntop tay wa Lê Hoài Trung, Ủy viên Trung Đảng khóa 13. Kêng măng, Ban Chấp hành Trung ương Đảng pah kan ta rmôt, tâm nchră mpeh n’glôn jêh 20 năm ƀư tĭng Nghị quyết bah Ban Chấp hành Trung ương Đảng khóa 9 mpeh mât uĕh soan dăng tâm rnglăp rnoi nuĭh yor ƀon lan sâm geh, neh dak dăng, nău rêh jêng tâm ban, ƀon lan ƀư tơm, uĕh lăng.