Ôi nar naơ, 17/3, ta ntŭk kan n’gor Ủy Lâm Đồng lĕ geh rơh rƀŭn nchră mbơh tơih nău ntrŭnh bâh n’gâng kan Chính trị mpeh nău kan cán bộ. Wa Nguyễn Thái Học, groi kruanh rnâng kan Nội chính Trung ương, Ủy viên rnâng kan ntĭm leo rgâl mhe Tư pháp trung ương geh đă leo kan, pă nău kan mât nău dơi ƀư Bí thư n’gor Ủy Lâm Đồng.

Gay ma mât đăp mpăn nău leo kan sŏng dăng, lĕ rngôch, ƀa ƀơ, mbro bâh n’gâng kan chính trị, Ban Bí thư n’hanh Trung ương Đảng đah n’gor Ủy Lâm Đồng, n’gâng kan Chính trị ntrŭnh đă, săch wa Nguyễn Thái Học, groi kruanh n’gâng kan Nội chính trung ương tât kan ta Ban chấp hành, Ban thường vụ n’hanh mât ƀư lor Bí thư n’gor Ủy Lâm Đồng năm kan 2020-2025. Wa Nguyễn Thái Học deh năm 1972, ƀon tơm ta xã Hòa Quang Bắc, nkuăl Phú Hòa, n’gor Phú Yên. lôch nti Tiến sĩ khoa học chính trị, cử nhân Luật, cử nhân chính trị. Ntoh ngơi ta rơh dơn nău kan, nuĭh kan Bí thư n’gor Ủy Lâm Đồng Nguyễn Thái Học mpơl nău rhơn rnôk geh n’gâng kan Chính trị, Ban Bí thư trung ương Đảng, rnâng kan leo kan Trung ương kanơm, pă nău dơn kan mhe.