Rnâng kan rđau kan n’gor uỷ Gia Lai hŏ pă kan ân wa Nguyễn Thị Thanh Lịch ƀư kan, rđau kan UBND n’gor Gia Lai ntơm lơ 6/6/2024. Ngăn lah, tĭng nau mbơh đă rmô 1616/KL-TU bah Rnâng kan rđau kan n’gor uỷ Gia Lai, wa Nguyễn Thị Thanh Lịch-Tỉnh uỷ viên, Groi Bí thư Rnâng kan Đảng, Groi Kruanh UBND n’gor mra ƀư nau kan, rđau dĭng lĕ nau kan ntơm lơ 6/6.

Bah năp nê, dŭt khay 5 năm 2024, wa Trương Hải Long-Groi Bí thư n’gor uỷ, Kruanh UBND n’gor Gia Lai geh Trung ương rđau, ntop đă ƀư kruanh Bộ Nội vụ. Wa Nguyễn Thị Thanh Lịch (48 năm) lôch nti Nai dak si, thạc sỹ Y học. Wa geh HĐND n’gor Gia Lai ân ƀư Groi Kruanh UBND n’gor Gia Lai ntơm năm 2020. Tâm UBND n’gor Gia Lai, ndrel ma wa Nguyễn Thị Thanh Lịch, rnôk aơ hôm geh 3 Groi kruanh lah ăp wa: Nguyễn Hữu Quế, Dượng Mah Tiệp ndrel Nguyễn Tuấn Anh./.