Ndrel đah mbơh rblang, kơp dơn nău tâm rgop cử tri mpeh ăp trong kan wăng sa rêh jêng, wa Phan Đình Trạc đă n’gâng kan têh ta Lâm Đồng uănh n’hêl, rmal ăp nuĭh an manh sŏk prăk kon khlăy ma âk ƀon lan mbơh tơih.

Tâm nĕ geh nău ƀon lan manh 270 rkeh prăk yơn tòa án đă trok an nuĭh tơm an manh rlău 4 rmen prăk lah nău ma ƀon lan Kơ Kă Ka Thêm mbơh tơih. Ntoh ngơi ta rơh tâm mâp, wa Phan Đình Trạc, Ủy viên Bộ chính trị, Bí thư Trung ương Đảng, kruanh Ban Nội chính trung ương an lah, ăp nău tâm rgop, nău dăn đă bâh cử tri lah dŭt khlăy ngăn. Nău an manh sŏk prăk kon khlay ta ntŭk lah nsum n’hanh nău geh kơt wa Kơ Să Ka Thêm lah êng geh âk đŏng, wa Phan Đình Trạc đă ntŭk kan têh n’gor Lâm Đồng an geh lăp uănh ôp, Tòa án n’gor Lâm Đồng an geh uănh n’hêl tay nău tih geh nău hình sự đŏng lah mô